  |
  
|
謝非就讀的幼稚園，是由循道衛理中心所辦的，簡單來說，是一所教會幼稚園。
謝非就讀的小學，是由天主教所辦的，簡單來說，是一所教會小學。
謝非就讀的中學，是由中華基督教會所辦的，簡單來說，是一所教會中學。
我讀了幾年書，就上了幾年聖經堂，很多聖經故事，什至聖母經玫瑰經什麼的我都會諗。可是我並無宗教信仰，事實上，我討厭教會，儘管我床頭有一本聖經，儘管我閒時會讀聖經。討厭教會，因為討厭教會傳教。我不反對教會傳教，但傳教的方式有很多，為什麼偏要用近似洗腦的方式傳教？
小朋友最容易受感染，於是教會專門向小朋友下手。辦幼稚園和小學，從小開始告訴他們神的偉大神的萬能神的恩典，小朋友根本不能分辨資訊的對錯，於是一個個基督教徒天主教徙從兩歲開始誕生了。
青年人較容易受感染，又或者說，較易受朋輩感染，於是教會也向青年人下手。辦中學，從朋友開始，叫他們到教會去玩，玩不多久，一個個基督教徒天主教徒又誕生了。
最可怕的，是我校居然強制初中參加近日的佈道大會，這和黑社會以武力收生有兩樣嗎？
我覺得這樣的傳教手法很討厭。他們說的謊話比你我都要多，做的事比黑社會還要黑。
|
我又唔係好同意既意見喎.. |
|
|
我針對既係佢近似洗腦既傳教方法，有冇人因為呢種方法而入教以及佢傳緊既係乜野信息係另一回事。 大部份呢類教會學校都會強逼學生做佢地教會做既野，例如所有天主教小學會強逼學生每朝諗經、飯前諗經、部份教會學校會舉辦週會，其中內容係宣教，宣完問你是否決志信主……呢一類強逼既性向學生灌輸教會正面信息，比我既感覺同洗腦類近。 如果教會學校只係純粹同你分享佢既價值觀，而你可以選擇接受與唔接受、聽與唔聽既話，如你所講的確唔可以叫做洗腦，因為最起碼你可以唔聽。之不過現實係若然你唔出席呢類週會，唔諗經，你就會受到處分。高中或者會比較自由，你唔諗經冇人會罰你，但係初中、小學就唔會咁自由。換句話講，你只可以選擇接受同唔接受，而選擇唔接受你就要忍受若干年，其間你唔可以辨駁，除非你轉校。 我話教會學校講大話，因為佢地真係講大話。例如教會人士同你講話番教會玩下，唔一定要入教就已經係一個大話。因為佢要你番去既目的就係要你入教，你入左去佢自然就會用朋輩壓力等等威逼你，最經典既例子有：阿陳何關張都入晒會喇，點解你唔入傘？ 又，你講到如果唔唔o岩就會有人批評，我咪批評緊囉。 |
|
|
其實係舊時代遺留既習慣... 至於係而家...雖然冇左個d物資,但其實情況都係有d相似 你要知...上帝一直都對人「好好」XD話要俾選擇佢地,永遠唔會強制要你做某D野... |
|
|
教會自己有無資助，我真係唔知。反而依我所知係教會學校以教會名義請其他人資助多。 你提出左個問題：你又要讀教會學校又唔想佢傳教，咁你想點？ 我諗大部份人讀教會學校都只係係無得選擇既情況之下最好既選擇。當你成個區稍微好既學校都係由不同教會所辦既時候，唔通你真係因為佢係教會學校而寧願選擇差既學校咩。 小學就無得講，我數左好耐都數唔出一間非教會小學，而且選擇權都唔係你到，根本係局住你入。換句話說，我都唔想入教會學校，但係我冇得揀。 你無講錯，yuyu都冇錯，入唔入教既權定權由始至終都係你自己到，不過，你唔入佢咪係咁同你講信教幾好幾好，係咁問你做乜咁好都唔信，再係問你入唔入囉。 不如倒轉問下信左教既出唔出教會，佢唔肯出就係咁同佢講唔信教有幾好幾好，做乜咁好都要信教，再係咁問佢出唔出教，睇下佢會唔會反感。 |
|
