長城是男人建的，除了圍住國土以外，還圍住他們的感情。

AL放榜，成績1C2D1E2F，中英文及格，其他科目合起來卻達不到兩科AL及格，簡單的說就是達不到入大學基本資格。收到成績的一剎那，毫無任何感受－－傷心嗎？沒有。開心嗎？沒有。不忿嗎？沒有。是嚇呆了嗎？卻又不是。

明明前一天才對朋友說自己一定夠資格，只差在高分不高分。收到成績的一刻卻像早料到般的氣定神閒，我不禁問自己：「我到底怎了？我不是該失望的嗎？」

直到晚上爸跟我說：「沒關係，盡了力就好。」淚水才終於湧出來，我只能勉強讓自己不發出聲音，卻不能抑制淚水不斷從眼眶滲出。我躲在被窩裡，眼和鼻一直流出淚水，心裡卻介意爸有沒發現我哭。

到底為什麼哭，我也不太清楚。書說哭是為了舒緩激動的情緒，但我哭完卻沒感到舒緩，想當然是因為我在抑制著自己別哭。那一個晚上，長城大破，國土大亂。

有時我想，長城太堅固，人似乎會變得麻目。至於是好是壞，搞不清楚。

聽日就考AL最關鍵既英文喇！

心情既緊張又興奮，讀左兩年預科都係為左聽日場試咋！

祝自己英文合格！ 

話說三國時期魏國有一大官叫司馬昭，他想要篡魏卻不敢，唯有乾想，卻想出個名堂來，人人都知道他想要廢魏帝。當然，乾想成不了事，直到他患癌掛了後，魏國還是魏國。後來，他兒子司馬炎助其完成心願，篡魏建晉，並滅吳統一全國，至此中國經過近百年的分離，終於又再統一。

好了，故事其實不是重點，重點是最近達賴十四世當了司馬昭。

周星馳先生既少林足球入面，有好多俗稱既無里頭笑點。其中一個就係周星馳同吳孟達去搵做緊洗碗既「旋風地堂腿」時，由地堂腿先生所講既「點解我咁靚仔，但係要甩頭髮。」係呢句說話彈出泥既同時，配合上地堂腿先生個衰樣既特寫以及佢認真既表情，種種矛盾衝突之下形成滑稽既一幕，成就左一個挺為成功既笑點。但係，各位係笑之餘，又有冇留意到呢個所謂既無里頭笑點，其實完全唔無里頭，反而係呢個笑位既背後，卻隱藏住導演周星馳先生對我地既社會、對我地既文化、對呢個現實既一個重大控訴。

「點解我咁靚仔，但係要甩頭髮。」表面上泥睇，只係一個普通男人對自己外觀既控訴，但係當各位考量到係呢套戲入面，說呢句話既人既設身處境既時候，就發現呢句說話並冇咁簡單。旋風地堂腿自小就上山入少林寺拜師學武，直至成師後就帶著絕技地堂腿落山。憑住呢一身苦練數十年先得成既絕世武功，佢既前途本應一遍光明，但結果呢？結果佢只係係一間連名都冇出現過茶餐廳既後巷做洗碗工人。點解我咁靚仔，但係要甩頭髮，對地堂腿泥講，其實就正正係問緊點解我練左成世武功，結果要係到洗碗。

甩頭髮，係一個自然過程，每個男人都有機會甩頭髮，但每個男人都唔想甩頭髮，而且會好盡力咁避免呢樣野，但到頭來，要來既始終要來，甩頭髮始終係無可避免。愛靚係人既天性，可以話靚仔係每一個男人都曾經希望既野，但礙於現實，大部份男人都會放棄，繼而出現諸於「我很醜但我很溫柔」既另類心理。但係，就算你花一生去追求靚仔，當你一唔好彩要甩頭髮，無論你花左幾多時間扮靚仔都好，你都會變得樣衰。結果，無論你點靚仔都好，但係現實卻要你成為一個甩頭髮既阿伯。

對於地堂腿泥講，練武就好比靚仔，佢花左成世人練武功，到頭來，佢發現原來呢個社會根本就唔需要武功呢樣野，佢成世人所追求既野係下山出來社會果一剎那被完完全全咁樣推翻，而最終，佢因為追求武功冇其他技能，更淪為一個畀人睇小既洗碗工人。導演周星馳先生按排一個有咁樣遭遇既地堂腿問「點解我咁靚仔，但係要甩頭髮」，背後既真意其實就係透過佢特殊既遭遇，控訴社會，點解一個人花大半生時間追求佢自己既理想，一樣人人都認為好既野，到頭來卻係完完全全冇用，什至畀人睇低一線？到底我地追求理想泥做乜？呢樣野，先係呢個「無里頭笑點」既中心思想。

反觀現今既香港，前幾年電腦行業興盛，大量學生大學選科都選讀電腦相關科目，結果兩三年後電腦人才就已經飽和，各個學生拎住個學位唔知做乜好。而家商科興盛，選讀工程既學生又被稱作冇前途，讀完出來都係畀人睇低一線。其實佢地就好似地堂腿一樣，而周星馳先生就幫佢地問左一句：「點解我咁靚仔，但係要甩頭髮？」問完之後問題並冇解決，地堂腿依舊係洗碗仔，電腦、工程學位依舊係冇工開。但係，同時間周星馳亦都教左大家應該點做，只要我地好似地堂腿咁，拎番起習武時代眾師兄弟既一張合照，下決心發揚自己既功夫，最終必定會闖出一遍天。