信fact 2012    >2012

2012       0            1

>2012    -1            0 

上面呢個野叫做"payoff matrix"，用泥分析面對問題不同對策下既payoff。
012 >2012 分別代表「2012年世界末日」同「2012之後先世界末日」。
0,1,-1 分別代表 冇賺冇損失, 有賺, 有損失。

而根據game theory既原理，第一行既payoff點都會好過第二行，所以第一行Dominate第二行，即係信2012就係best solution。

上文你睇唔明其實就冇乜所謂，呢d技術層面既野大家都唔會睇咖啦。

簡單d講，信2012會末日係著數過信2012唔會末日：
如果你信2012 末日，咁2012真係末日既話對你冇損失，2012唔係末日既話你就賺左。
如果你唔信2012末日，咁2012真係末日既話你就蝕左，2012唔係末日既話你冇損失。

即係當你信2012末日既時候，無論2012係咪真係末日，你都會得到大過等如唔信2012末日既payoff，所以信2012末日係好過唔信。

所以，我係真心相信會世畀末日。而且，我仲相信下一秒就係世界末日。因為同樣道理，唔用2012，用聽日，情況都係完全一樣。用下一秒，成件事都係一樣解得通。 

即係話如果你相信世界係你有生之年都唔會末日，雖然好大機會你係岩，不過你就唔會有賺唔會有蝕。但係如果你每一秒都相信下一秒就會冚球剷，咁直到真係末日前，你既人生每一秒都係賺番泥，呢盤生意係有賺冇賠！

而最重要既係，如果你一出世就相信下一秒會冚球剷，咁到你死果陣你就足足賺多左條命！邊份人壽保險係可以保你條命仲唔洗畀錢供咖？所以當你賺多左條命你就唔止賺多左條命咁簡單，你仲會賺埋你供緊果份壽保，同時間你亦都賺番晒果堆醫保旅保乜保物保，下一秒都冚球剷洛，你仲買乜鬼野保險先？連睇醫生錢都賺番唔洗睇。

如是者我地既人生將會好大方豁達，同時內心亦係最富有！  

早排，其實都幾個月前咖喇，十一月果陣粱振英話27號宣佈選特首喎，我一聽完就心諗：「你宣佈27號會宣佈選特首，咁咪即係已經宣佈左你會選特首囉，咁你27號仲宣乜鬼野佈呀？你未宣佈選特首就已經宣佈左會選特首，咁我27號之前係咪要咋唔知？然後到27號你宣佈完再咋surprise？」

喂大佬真係好confuse喎咁樣！你有冇諗過tvb分豬肉果陣，個昐獎嘉賓睇完張紙就話：「我而家宣佈，廣告番泥之後，我就會宣佈最佳女主角係胡杏兒，而家我地聽一聽客戶既說話先。」你坐係胡杏兒隔泥，你恭唔恭喜佢，拍唔拍手掌丫? 定係一路恭喜佢恭到廣告番泥？你係胡杏兒，你而家上台定係廣告番泥先上台丫？係咪好confuse諗到爆頭先？

最恐怖既係大家都好似冇野咁，聽完就丫幾好唔錯呀加油呀你咁。後來我諗一諗，再三思考一下，原來呢d就係曖昧既真諦！根本我地係後生果陣一早已經習慣左曖昧呢種狀態，所以根本就唔會覺得有任何問題！

曖昧即係咩野丫？即係，喇，係人都試過咖喇，而家佢就擺到明就溝你既，但係佢又唔講喎，仲要得閒又唔理你得閒又搵下你咁。咁佢一日唔講，你咪一日都要咋唔知囉，因為你唔係100% sure丫麻，仲要佢有時又忽冷忽熱喎，陣間你唔小心拒絕左人，佢一個屈尾十唔應數話冇溝過你，咁你咪變左發姣果個？唔得加麻，咁咪keep住囉。keepkeep下你都奶奶地野喇，好似對佢都有d feel咁但係你又唔肯定喎，咁你咪又唔理囉。搞搞下最尾大家都溝緊大家，但係同時大家又唔係溝緊大家喎，喇呢種concon地又fusefuse地，你唔係好明但係又好似好明既狀態就叫做曖昧！

由粱振英宣佈話27號宣佈選特首果日開始，其實梁振英就係同特首搞緊曖昧。咁大家都有經驗啦，一對男女搞緊曖昧，就算搞到幾出面都好，你係佢朋友你就要咋唔知咖啦，廢時有咩衰左佢又乃你丫麻。明明你地三條友唱k，唱唱下得番你自己一個，你都要話係咩唔覺喎乜你地走左咩，可能我唱得太入神喇咁加麻。

於是成件事我就明白晒。選特首其實就係一個溝女既過程。點解佢要宣佈27號宣佈選特首呢，即係咁:

而家我就擺到明要溝呀特首咖喇。27號正式溝，而家同佢曖昧下先，溝之前釣下佢魚咁啦。你班友仔醒醒定定既就同我扮唔知，到27號表白果日就幫我制造下d氣氛，第時溝掂阿嫂請你地食飯下。

頭先馮檢基又話要搞曖昧喎，不過一睇就知佢唔醒目啦，曖昧期得果兩日，後日就話正式溝喇，兩日曖昧你曖泥做乜鬼野？所以好明顯我地大家都睇得出：佢只不過係一隻觀音兵，陪跑咖咋。

但係無論馮檢基定粱振英定邊個都好，幾曖幾昧都好，都係冇用咖喇。因為人地唐唐唔止同特首搞曖昧，仲同埋佢阿爺搞曖昧。你知啦人地特首屋企係大家族泥加麻，個女想嫁邊個，等係長輩話事啦，幾時到佢自己話事？

話說神創造人的時候，給予人們自由意志，因此人可以選擇信神抑或不信神。可是神又說信他的可上天堂，不信他的要下地獄。當然，除了下地獄以外還包括一大堆咀咒。

這就是自由意志。

同樣的邏輯，或者說是思考方式：大陸也非常自由。你可以罵共產黨，你可以罵老毛，你可以罵胡溫，你可以掛青天白日旗，只是你要坐牢。

這就是自由。哇，多麼自由啊。

我說這個中國呀，如果中國有上帝的關照，中國自由了。

長城是男人建的，除了圍住國土以外，還圍住他們的感情。

AL放榜，成績1C2D1E2F，中英文及格，其他科目合起來卻達不到兩科AL及格，簡單的說就是達不到入大學基本資格。收到成績的一剎那，毫無任何感受－－傷心嗎？沒有。開心嗎？沒有。不忿嗎？沒有。是嚇呆了嗎？卻又不是。

明明前一天才對朋友說自己一定夠資格，只差在高分不高分。收到成績的一刻卻像早料到般的氣定神閒，我不禁問自己：「我到底怎了？我不是該失望的嗎？」

直到晚上爸跟我說：「沒關係，盡了力就好。」淚水才終於湧出來，我只能勉強讓自己不發出聲音，卻不能抑制淚水不斷從眼眶滲出。我躲在被窩裡，眼和鼻一直流出淚水，心裡卻介意爸有沒發現我哭。

到底為什麼哭，我也不太清楚。書說哭是為了舒緩激動的情緒，但我哭完卻沒感到舒緩，想當然是因為我在抑制著自己別哭。那一個晚上，長城大破，國土大亂。

有時我想，長城太堅固，人似乎會變得麻目。至於是好是壞，搞不清楚。